رواية ناي نوح الفصل الثالث 3 بقلم ايلا

كنت قاعدة في جنينة بيتنا لما راجل غريب فجأة بدأ يبسبسلي من برا و اتكلم
_اسمك ايه يا كتكوتة
سكت و مردتش عليه فاتكلم تاني
_بتحبي الحاجات الحلوة تحبي أجيبلك شوكولاتة
كل حواسي تنبهت و خصوصا إن كان بقالي فترة كبيرة ماما مانعاني من الحلويات فحركت راسي بالموافقة بسرعة
طلعت برا البوابة مد يده ليا و أنا مسكتها فضلنا ماشيين شوية و لما لقيته بدأ يدخل في شوارع فاضية و ضلمة خفت و بدأت أبكي
شالني و كتم بوقي بيده و بدأ يتحرك بيا أسرع لغاية ما وقف في مكان غريب قدام بيت قديم مهجور و كنت قادرة أسمع صوت الكلاب السعرانة عمالة تنبح زاد بكايا أكتر و أنا مش قادرة أعمل أي حاجة بسبب الراجل اللي كان لسه مكتفني
فجأة طلع واحد من البيت المهجور و بدأ يقرب علينا و مع كل خطوة كانت ملامحه بتبان أكتر كان راجل عجوز دقنه بيضة و طويلة ضوافره طويلة و حادة شبه ضوافر الشياطين و كان راسم رسمات غريبة على وشه وقف قدامنا

و حط يده على دماغي و بدأ يهمس بكلمات غريبة و بسرعة لغاية ما أغمى عليا
صحيت بعدها عشان ألاقي نفسي في مكان أسود كحل مفهوش ولا ذرة نور دا غير الريحة اللي كانت لا تطاق فضلت أصرخ و أعيط عشان حد يلحقني لغاية ما أغمى عليا للمرة التانية و بعدها مش فاكرة أي حاجة غير إني لقيت نفسي فجأة قاعدة في بيتنا و كأن مفيش حاجة حصلت
في البظاية فكرت إنه كان كابوس بس الحاجة الوحيدة اللي كانت بتثبتلي دايما إن اللي عشته مكانش حلم كان شعري لحسن الحظ قلبي موقفش بس شعري شاب و بقى كله أبيض من كتر الخوف اللي عشته بالنسبة لطفلة صغيرة عمرها متجاوزش الخمس سنين لسه
طلعت امتى و ازاي معرفش كل اللي فاكراه إن سمعت أهلي بيقولوا إني فضلت هناك لمدة أسبوع كامل و لولا عاصفة رعدية قوية دمرت المكان بالصدفة لولا الشرطة قدرت توصلي و تقبض على المختطفين
استرجعت كل الذكريات فجأة لما شفت اللوحة اللي كان زين راسمها كانت عبارة عن رسمة ليا و كأنها نسخة مني بالظبط باستثناء الشعر اللي كان أبيض
أنا عمري ما حكيت لحد عن الحادثة دي و من ساعتها و أنا بصبغ شعري بني باستمرار يبقى ازاي عرف
اتخذت قراري في ثواني و هجمت عليه اتكلمت و أنا مثبتة السكينة على رقبته
_انت مين و تعرف عني ايه! اتكلم
ابتسم بسخرية قبل ما يرد
_مالك اللوحة مش عجباك للدرجادي! دا لسه حتى كنتي بتقولي عليا موهوب
زدت من ضغطي على رقبته و أنا بتكلم
_متستعبطش ! انت فاهم قصدي ايه كويس
رد بعدم مبالاة
_أنا مش بستعبط أنا بجد مش فاهم انت متضايقة ليه يا ستي لو وحشة أوي كدا أرميها و أرسم واحدة جديدة ولا تزعلي نفسك
كان واضح إن أسلوب التهديد مش نافع معاه فبعدت السكينة عن رقبته و اتنفست بعمق قبل ما أتكلم تاني بهدوء المرادي
_ليه راسمني بالشكل دا
_مش عاجباك الوضعية دا معظم المشاهير و المودلز دلوقتي بي
قاطعته بصراخي فجأة
_مش قصدي على الوضعية!
_اومال قصدك على ايه
_شعريليه ملون شعري أبيض!
مد يده و لمس بيها على شعري قبل ما يجاوب
_امممش عارف حسيت إن اللون الأبيض أليق عليك
بصتله بشك جوايا كنت عارفة إنها مكانتش صدفة و إنه قاصد يعمل الحركة دي بس محاولتش أجادله أكتر لأني حسيت النقاش معاه مش هيجي بفايدة فقررت أنسحب اتكلمت و أنا طالعة برا الأوضة
_قطع الرسمة ارميها أو حتى احرقها المهم مش عايزة أشوفها تاني
مسك يدي و أنا ماشية و اتكلم
_ناي مالك الشعر الأبيض بقى موضة دلوقتي على فكرة مش شايفة إنك مكبرة الموضوع حبتين!
زحت يده و اتكلمت
_و مش شايف إن ملكش حق ترسم حد من غير إذنه من الأساس!
_أنا كنت عايز أفاجئك فكرتك هتحبيها ليه متعصبة أوي كدا
_عشانعشان
معرفتش أكمل أقول ايه فاتنهدت و سحبت نفس عميق قبل ما أتكلم
_زين من فضلك متتعاملش معايا تاني ممؤقتا على الأقل ماشي!
_استنيناي!
نادم عليا و أنا مرضتش أسمعله مشيت و قررت إني لازم أنهي العلاقة دي بأسرع وقت مش بس عشان اللوحة عشان جوايا كنت عارفة